அறிமுக போட்டியில் சாதனை புரிந்த ஹஸரங்க பற்றிய பலர் அறியாத விடயம்(வீடியோ)
இலங்கை அணியின் சகலதுறை வீரர் வனிது ஹஸரங்க நேற்றைய சிம்பாப்வே அணிக்கு எதிரான போட்டியில் ஹெட்ரிக் சாதனை படைத்து அறிமுக போட்டியில் ஹெட்ரிக் பெற்ற முதலாவது இலங்கை வீரர் என்ற பெருமையை பெற்று இலங்கை கிரிக்கட் சாதனை புத்தகத்தை திருப்பி எழுதியுள்ளார்.
அத்தோடு சர்வதேச கிரிக்கட் அரங்கில் தென் ஆபிரிக்காவின் காகிஸோ ரபடா மற்றும் பங்களாதேஷ் தைஜூல் இஸ்லாம் ஆகியோர் தமது அறிமுக ஒருநாள் போட்டியில் ஹெட்ரிக் சாதனையை நிலைநாட்டி இருந்ததோடு தற்போது வனிது ஹஸரங்க டி சில்வா இவர்களோடு அந்த சாதனை பட்டியலில் 3ஆவது வீரராக இணைந்து உள்ளார்.
காலி ரிச்மன்ட் கல்லூரியை சேர்ந்த வனிது ஹஸரங்க டி சில்வா இந்த வருடம் ஆகஸ்ட் மாதம் நடைபெற உள்ள க.பொ.த சாதாரண தர பரீட்சையில் வணிகப் பிரிவில் பரீட்சை எழுத உள்ளார். அத்தோடு இலங்கை அணிக்காக 7 ஒருநாள் போட்டிகளில் விளையாடியுள்ள சதுரங்க டி சில்வா – வனிது ஹஸரங்க டி சில்வாவின் மூத்த சகோதரன் ஆவார்.
வனிதுவை பற்றிய குறிப்பு
முழுப் பெயர் : பின்னவடுகே வனிது ஹஸரங்க டி சில்வா
பிறந்த திகதி : 1997ஆம் ஆண்டு ஜூலை 29
பிறந்த இடம் : காலி
கல்லூரி : ரிச்மன்ட் கல்லூரி – காலி
துடுப்பாட்ட பாணி – வலதுகை துடுப்பாட்டம்
பந்துவீச்சு பாணி – லெக் பிரேக்
சகோதரர் – சதுரங்க டி சில்வா
பிறந்த திகதி : 1997ஆம் ஆண்டு ஜூலை 29
பிறந்த இடம் : காலி
கல்லூரி : ரிச்மன்ட் கல்லூரி – காலி
துடுப்பாட்ட பாணி – வலதுகை துடுப்பாட்டம்
பந்துவீச்சு பாணி – லெக் பிரேக்
சகோதரர் – சதுரங்க டி சில்வா
துடுப்பாட்டம்
வனிது ஹஸரங்க டி சில்வா இதுவரையில் 12 முதல்தர போட்டிகளில் 21 இன்னிங்ஸ்களில் துடுப்பெடுத்தாடி 775 ஓட்டங்களை பெற்றுள்ளார். அதில் ஒரு சதம், 5 அரைச்சதம் உள்ளடங்கும். அதிகபட்ச ஓட்டம் ஆட்டம் இழக்காமல் பெற்ற 116 ஓட்டங்களாகும். முதல்தர போட்டிகளின் சராசரி 45.58 ஆகக் காணப்படுகிறது. அத்தோடு அந்த 12 முதல்தர போட்டிகளில் 95 பவுண்டரிகளையும் 14 சிக்ஸர்களையும் விளாசி உள்ளார்.
பந்துவீச்சு
வனிது ஹஸரங்க டி சில்வா பந்துவீச்சில் 12 முதல்தர போட்டிகளில் 18 இன்னிங்ஸ்களில் பந்துவீசி 16 விக்கட்டுகளை கைப்பற்றி உள்ளார். சிறந்த பந்து வீச்சு 15 ஓட்டங்களுக்கு 5 விக்கட்டுகளை வீழ்த்தி இருந்தமை ஆகும்.
களத்தடுப்பு
வனிது ஹஸரங்க டி சில்வா தற்போதுள்ள இலங்கை அணியில் மிகச்சிறந்த களத்தடுப்பாளர் என இலங்கை கிரிக்கட் அணியின் முகாமையாளர் அசங்க குர்சிங்க தெரிவித்து உள்ளார். வனிது விளையாடியுள்ள 12 முதல்தர போட்டிகளில் அவர் 10 பிடியெடுப்புகளை எடுத்துள்ளார்.
வீடியோ
0 comments: